کوئٹہ (مانیٹرنگ ڈیسک) بلوچستان سے اسلام آباد جانے والی مسافر بسوں پر ڈاکوؤں نے فائرنگ کردی جس کے نتیجے میں ایک خاتون جاں بحق ہو گئی۔ کوچ مالکان کے مطابق کوئٹہ سے اسلام آباد جانے والی مسافروں بسوں پر ڈاکوؤں نے فائرنگ کی۔ مسافر بس نہ رْکنے پر ڈاکوؤں کی فائرنگ سے خاتون جاں بحق جبکہ 4 افراد زخمی ہوئے۔ فائرنگ کا واقعہ گزشتہ شب ڈیرہ اسماعیل خان کے قریب درابن کے مقام پر پیش آیا۔ کوچ مالکان کا کہنا ہے کہ 50 سے زاید مسلح ڈاکوؤں نے اسلام آباد جانے والی کوچز کو لوٹنے کے لیے روکنے کی کوششیں کیں اور نہ رکنے پر گولیاں چلا دیں۔