پی ٹی آئی رہنما اسد قیصر کا کہنا ہے کہ بانئ پاکستان تحریک انصاف عمران خان نے کہا ہے کہ میں جیل سے تب باہر نکلوں گا جب ہمارے ورکرز نکلیں گے۔
پشاور میں میڈیا سے گفتگو کرتے ہوئے پاکستان تحریک انصاف (پی ٹی آئی) کے رہنما اور رکنِ قومی اسمبلی اسد قیصر نے کہا کہ عمران خان سے ملاقات ہوئی، وہ خوش باش اور فٹ تھے،2 جنوری کو حکومت کے ساتھ مذاکرات میں 2 بڑے مطالبات پیش کریں گے۔
ان کا کہنا تھا کہ 9 مئی اور 26 نومبر کے واقعات کی جوڈیشل انکوائری کرائی جائے ،سویلین کیسز ملٹری کورٹس میں نہیں ہونے چاہئیں ،عمران خان سمیت تمام ورکرز کو رہا کیا جائے۔
انہوں نے کہا کہ امن و امان کی صورتِ حال تشویش ناک ہے ،سیاسی انتقام کے لیے ہم پر مقدمات بنائے گئے ہیں۔