وفاقی وزیرِ داخلہ محسن نقوی نے کہا ہے کہ کُرم میں سرکاری گاڑیوں پر فائرنگ کا واقعہ امن معاہدے کو سبوتاژ کرنے کی ایک مذموم کوشش ہے۔
وزیرِ داخلہ نے کہا کہ اس طرح کے واقعات امن کی کوششوں کو نقصان پہنچانے کی ایک سازش ہیں، اور ان کا مقصد علاقے میں امن و امان کی صورتِ حال کو بگاڑنا ہے۔
انہوں نے زخمی ہونے والے ڈپٹی کمشنر جاوید اللہ محسود کی جلد صحت یابی کے لیے دعا کی۔ محسن نقوی نے کہا کہ وہ ڈپٹی کمشنر جاوید اللہ محسود کی مکمل صحت یابی کی امید رکھتے ہیں۔
وزیرِ داخلہ نے اس فائرنگ کے واقعے کی سخت الفاظ میں مذمت کرتے ہوئے کہا کہ یہ گھناؤنی حرکت امن معاہدے کو نقصان پہنچانے کے لیے کی گئی تھی، جو کہ قابلِ افسوس ہے۔