وفاقی وزیرِ توانائی اویس لغاری نے کہا ہے کہ بجلی کی قیمت 10 سے 12 روپے فی یونٹ کم کر سکتے ہیں، خواہش ہے کہ بجلی کا ریٹ 50 روپے کم ہو جائے، ۔
قومی اسمبلی کی قائمہ کمیٹی توانائی کے اجلاس کے دوران گفتگو کرتے ہوئے وفاقی وزیرِ توانائی اویس لغاری نے کہا ہے کہ آئی ایم ایف کے ساتھ کیپٹو پاور پلانٹس کے حوالے سے مشاورت کر رہے ہیں۔
انہوں نے کہا کہ کیپٹو پاور پلانٹس کا معاملہ حل ہونے کے قریب ہے، آئندہ 5 سے 7 سال میں کے الیکٹرک کا 500 ارب روپے منافع مانگا جا رہا ہے۔
ان کا کہنا تھا کہ گھریلو صارفین کے لیے بجلی 4 روپے تک سستی ہو چکی ہے ،بگاس کے 8 پلانٹس کا جائزہ لینے جا رہے ہیں۔
وفاقی وزیر نے کہا کہ مزید 16 پلانٹس کی نظرِ ثانی کرنے جا رہے ہیں، اس کے بعد حکومتی پلانٹس کے ریٹرن آن ایکوئٹی کی باری آئے گی ،اس ماہ کے آخر تک کیپٹو پلانٹس کا معاملہ حل ہو جائے گا۔