نیشنل ڈیٹا بیس اینڈ رجسٹریشن اتھارٹی (نادرا) نے اوورسیز پاکستانیوں کی سہولت کے لیے مختلف ممالک میں اپنے کاؤنٹرز فعال کر دیے ہیں۔
نادرا نے سوشل میڈیا پر جاری بیان میں کہا ہے کہ بیرون ملک مقیم پاکستانیوں کو بہتر سہولیات فراہم کرنے کے مقصد سے مختلف ممالک کے سفارتخانوں میں نادرا کاؤنٹرز قائم کیے گئے ہیں۔
بیان کے مطابق کینیڈا کے شہروں مونٹریال اور وینکوور، اٹلی کے شہر میلان، بحرین کے دارالحکومت مناما اور اردن کے دارالحکومت عمان میں نادرا کاؤنٹرز فعال ہو چکے ہیں، جب کہ روم (اٹلی) میں بھی جلد کاؤنٹر کا آغاز کیا جائے گا۔
