دبئی: متحدہ عرب امارات (یو اے ای) نے غزہ کے مظلوم فلسطینیوں کے لیے ایک کروڑ خوراکی پیکٹس کی تیاری اور تقسیم کے لیے مہم کا آغاز کر دیا ہے۔
دبئی کے حکمران شیخ محمد بن راشد المکتوم نے عوام سے فلسطینیوں کی مدد کی اپیل کی تھی، جس کے بعد خوراک پیکنگ کا عمل ایکسپو سٹی میں جاری ہے۔ امدادی جہاز کے لیے رضاکار 7 دسمبر کو جمع ہوں گے، اور اس دوران غزہ کے بچوں کے لیے فوری امداد تیار کی جائے گی۔
شیخ محمد کی ہدایت پر یہومینیٹیرین شپ براہِ راست غزہ روانہ ہوگی۔ واضح رہے کہ یو اے ای نے پچھلے دو سالوں میں 8700 ٹرک کے ذریعے غزہ کے لیے 16 لاکھ امدادی پیکجز بھیجے ہیں، اور مہم الفارس الشہم تھری کے تحت 250 قافلے روانہ کیے گئے۔
غزہ کی خواتین اور بچوں کے لیے خصوصی امدادی پیکجز بھی فراہم کیے گئے، جبکہ 33 ایمبولینسیں اور فیلڈ کلینک بھی غزہ پہنچائے گئے۔ امدادی سامان میں پانی اور بنیادی انفراسٹرکچر سپورٹ بھی شامل ہے، تاکہ مظلوم فلسطینیوں کو فوری ریلیف فراہم کیا جا سکے۔