کراچی: بھارت نے روزگار کی غرض سے سمندر میں جانے والے 11 پاکستانی ماہی گیروں کو حراست میں لے کر ان کی کشتی بھی ضبط کرلی۔
ترجمان کوسٹل میڈیا سینٹر کمال شاہ نے اس گرفتاری کی تصدیق کرتے ہوئے بتایا کہ زیرِ حراست تمام ماہی گیر کراچی کے علاقے ابراہیم حیدری کے رہائشی ہیں۔
انہوں نے مزید کہا کہ گرفتار کیے گئے ماہی گیر ایک ہی خاندان سے تعلق رکھتے ہیں اور سبھی معاشی مجبوری کے باعث روزگار کی تلاش میں سمندر کا رخ کر رہے تھے۔
