ماسکو: روسی صدر پیوٹن کی جانب سے بیلا روس پر درمیانی فاصلے تک مار کرنے والے اوریشنک میزائل تعینات کرنے کا منصوبہ واضح کردیا گیا ہے۔
عالمی میڈیا کے مطابق دوسری جانب روس کے مذکورہ منصوبے پر امریکا کی جانب سے تشویش کا اظہار کیا گیا ہے، جس میں کہا گیا کہ امریکا کی ایک نئی تحقیق کے مطابق روس مشرقی بیلاروس میں ایک سابق فضائی اڈے پر نئے جوہری صلاحیت رکھنے والے ہائپرسونک بیلسٹک میزائل تعینات کر رہا ہے۔ مذکورہ حوالے سے امریکا کا کہنا ہے کہ روس کی یہ پیش رفت روس کی یورپ بھر میں میزائل پہنچانے کی صلاحیت کو مزید مضبوط بنا سکتی ہے۔ امریکی محققین نے یہ اندازہ سیٹلائٹ تصاویر کے تجزیے کے بعد لگایا ہے، جو ایک کمرشل سیٹلائٹ کمپنی کی جانب سے فراہم کی گئی تھیں۔
