اسلام آباد:وفاقی وزیر دفاع خواجہ آصف نے کہا ہے کہ بانی تحریک انصاف عمران خان کو دوبارہ اقتدار میں لانے کے خواہشمند افراد چاہتے ہیں کہ ملک ان کی تابع ہو جائے۔
وفاقی وزیر دفاع نے کہا کہ پاکستان کو گالیاں دینے والوں کو پناہ دینے والے یہ چاہتے ہیں کہ وہ اقتدار میں آئیں اور 9 مئی کو فوجی تنصیبات پر حملہ اسی مقصد کی کوشش تھی۔
خواجہ آصف نے مزید کہا کہ عمران خان کے دور میں بھارت نے حملہ کیا، لیکن پاکستان نے شب و روز محنت سے دشمن کو شکست دی۔ انہوں نے مئی 2025 میں بھارتی حملے کے دوران پاک فوج کی شجاعت اور قوم کے دفاع میں شہداء کے کردار کو سراہا تے ہوئے کہا کہ اس وقت پارلیمنٹ کو بتایا گیا تھا کہ بھارت سے جنگ کا رسک نہیں لیا جا سکتا۔
وزیر دفاع نے خبردار کیا کہ دشمن آج بھی موقع کی تلاش میں ہے، اور قوم ہوشیار رہے، کچھ باہربیٹھے پاکستانی، طالبان سے محبت بھرے مذاکرات کے حامی، ملک کی ترقی اور امن کے دشمن ہیں اور پاکستان کو معاشی استحکام اور محفوظ مستقبل سے دور رکھنا چاہتے ہیں۔
