لاہور پولیس نے محکمہ وائلڈ لائف کے اشتراک سے رہائشی علاقوں میں غیر قانونی جنگلی جانور رکھنے والوں کے خلاف کریک ڈاؤن جاری رکھا ہے۔
ترجمان کے مطابق رواں ماہ 8 افراد کو گرفتار کیا گیا جبکہ 6 مقدمات درج کیے گئے۔ گرفتار ملزمان کی تحویل سے 26 شیر، 14 ہرن اور مختلف اقسام کے پرندے برآمد ہوئے۔
سی سی پی او لاہور نے کہا کہ وائلڈ لائف قوانین کی خلاف ورزی پر زیرو ٹالرنس پالیسی پر سختی سے عمل کیا جا رہا ہے۔ رہائشی علاقوں میں ممنوعہ جنگلی جانور رکھنے والوں کے خلاف محکمہ وائلڈ لائف کو مکمل تعاون فراہم کیا جا رہا ہے۔
انہوں نے واضح کیا کہ خطرناک جنگلی جانور رہائشی علاقوں میں انسانی جانوں کے لیے سنگین خطرہ ہیں اور ایسے افراد کے خلاف بلا امتیاز کارروائی عمل میں لائی جائے گی۔
