پاکستان کی حکومت نے مراعات پر پابندی کے سلسلے میں سرکاری ملازمین کے الاؤنسز اور دیگر تمام ادائیگیاں روک دی ہیں۔
ذرائع کے مطابق حکومت کی خصوصی ہدایت پر اے جی پی آر نے سرکاری ملازمین کو الاؤنسز سمیت ہر قسم کی ادائیگیاں تاحکم ثانی معطل کر دی ہیں، اور فی الحال صرف تنخواہوں کی ادائیگی جاری ہے۔
ذرائع نے بتایا کہ یہ سخت اقدام عالمی مالیاتی فنڈ (IMF) کے ساتھ جاری مذاکرات کے تناظر میں اٹھایا گیا ہے۔ حکومت مالیاتی اہداف کے مقررہ بینچ مارک کو ہر صورت پورا کرنا چاہتی ہے، جس کے باعث دیگر تمام ادائیگیاں ابھی تک معطل رکھی گئی ہیں۔