برطانیہ اور آسٹریلیا نے اسلام آباد میں امریکا اور ایران کے درمیان مذاکرات میں معاہدہ نہ ہونے کو مایوس کن قرار دیا ہے۔
برطانوی وزیر صحت ویس اسٹریٹنگ نے ایک انٹرویو میں کہا کہ ڈیل نہ ہونا اس بات کا مطلب نہیں کہ سفارتی کوششیں روک دی جائیں۔
آسٹریلیا کی وزیر خارجہ پینی وونگ نے دونوں ممالک پر زور دیا کہ وہ دوبارہ مذاکرات کی میز پر آئیں اور جنگ بندی کو برقرار رکھیں، کیونکہ عالمی برادری بحران کے جلد حل کی خواہاں ہے۔
یورپی یونین نے بھی مشرقِ وسطیٰ میں جاری تنازع کے حل کے لیے سفارت کاری کو ناگزیر قرار دیتے ہوئے پاکستان کی کوششوں کو سراہا۔
ادھر عمان نے امریکا اور ایران کے درمیان مزید مذاکرات اور جنگ بندی میں توسیع کا مطالبہ کیا ہے۔ عمانی وزیر خارجہ کے مطابق کامیاب معاہدے کے لیے فریقین کو مشکل مگر ضروری رعایتیں دینا ہوں گی، جو جنگ کے نقصانات کے مقابلے میں کم تر ہیں۔
