اسلام آباد: وفاقی وزیر داخلہ محسن نقوی نے پاکستان میں تعینات امریکی سفیر نٹالی بیکر سے ملاقات کی جس میں پاک امریکا تعلقات، خطے کی صورتحال اور آئندہ سفارتی پیش رفت پر تفصیلی گفتگو ہوئی۔
ملاقات میں خاص طور پر اسلام آباد میں متوقع مذاکرات کے دوسرے راؤنڈ کے حوالے سے سکیورٹی انتظامات کا جائزہ لیا گیا اور اس بات پر اتفاق کیا گیا کہ غیر ملکی وفود کی حفاظت کو ہر صورت یقینی بنایا جائے گا۔
امریکی سفیر نے خطے میں کشیدگی کم کرنے کے لیے پاکستان کے کردار کو سراہا اور کہا کہ اسلام آباد کی سفارتی کوششیں مثبت اور تعمیری ہیں۔
اس موقع پر محسن نقوی نے کہا کہ پاکستان تمام مہمان وفود کے لیے فول پروف سکیورٹی فراہم کر رہا ہے اور حکومت مذاکرات کے دوسرے مرحلے کی کامیابی کے لیے پُرامید ہے۔