خیبرپختونخوا کے ضلع کرم میں واقع پارہ چنار ائیرپورٹ کو طویل عرصے بعد دوبارہ فعال کر دیا گیا ہے۔
ذرائع کے مطابق یہ پیش رفت پاک فوج، ایف ڈبلیو او اور پاکستان ائیرپورٹ اتھارٹی کی مشترکہ کاوشوں سے ممکن ہوئی۔ پاک آرمی ایوی ایشن نے 26 اپریل کو آپریشنل لینڈنگ اور ٹیک آف کے ٹرائلز بھی انجام دیے۔
ان ٹرائلز کا مقصد رن وے کی فعالیت اور ائیرپورٹ کی آپریشنل تیاریوں کا جائزہ لینا تھا۔ ذرائع کے مطابق مجموعی طور پر 6 کامیاب لینڈنگ اور ٹیک آف کیے گئے۔
ائیرپورٹ کے رن ویز کو پیشہ ورانہ معیار اور اعلیٰ حفاظتی تقاضوں کے مطابق قرار دیا گیا ہے۔
