راولپنڈی میں پولیس نے طالب علم پر تشدد کے الزام میں مدرسے کے استاد کو گرفتار کر لیا ہے۔ پولیس کے مطابق متاثرہ طالب علم کے والد نے استاد کے خلاف مقدمہ درج کروایا تھا۔
مدعی کے مطابق استاد نے پھٹی ہوئی ٹوپی پہننے پر طالب علم کو پلاسٹک کے پائپ سے مارا۔ واقعے کے بعد پولیس نے کارروائی کرتے ہوئے استاد کو گرفتار کر لیا۔
پولیس کا کہنا ہے کہ طالب علم کا طبی معائنہ کروا لیا گیا ہے جبکہ تشدد اور حبسِ بےجا کے پہلوؤں پر تفتیش جاری ہے۔
