کراچی میں شدید گرمی کے باوجود بجلی کی اعلانیہ اور غیر اعلانیہ لوڈ شیڈنگ کا سلسلہ جاری ہے، جس کے باعث شہری شدید مشکلات کا شکار ہیں۔
مختلف علاقوں میں اعلانیہ لوڈ شیڈنگ کا دورانیہ 12 گھنٹوں سے بھی تجاوز کر گیا ہے، جبکہ کئی علاقوں میں طویل دورانیے کی غیر اعلانیہ لوڈ شیڈنگ بھی ہو رہی ہے۔
گارڈن، لیاری، نارتھ کراچی، نیو کراچی، ملیر، کورنگی، اورنگی سمیت شہر کے بیشتر علاقوں میں بجلی کی بندش معمول بن گئی ہے۔ اسی طرح منگھوپیر، سرجانی، سہراب گوٹھ، بلدیہ ٹاؤن اور دیگر علاقوں میں بھی صورتحال خراب ہے۔
لوڈ شیڈنگ سے شہریوں کی روزمرہ زندگی متاثر ہو رہی ہے، جبکہ میٹرک اور انٹر کے طلبہ امتحانات کی تیاری میں شدید مشکلات کا سامنا کر رہے ہیں۔
