اسلام آباد: وفاقی وزیر داخلہ Mohsin Naqvi 24 گھنٹوں کے اندر دوسری بار اہم دورے پر ایران کے دارالحکومت تہران پہنچ گئے ہیں۔
ذرائع کے مطابق محسن نقوی اپنے دورے کے دوران ایران-امریکا مذاکرات سے متعلق ایرانی قیادت سے ملاقاتیں کریں گے اور خطے کی تازہ صورتحال پر تبادلہ خیال ہوگا۔
یاد رہے کہ چند روز قبل بھی وفاقی وزیر داخلہ نے ایران کا دورہ کیا تھا، جہاں انہوں نے ایرانی صدر Masoud Pezeshkian، چیف مذاکرات کار محمد باقر قالیباف اور وزیر خارجہ عباس عراقچی سے ملاقاتیں کی تھیں۔
سفارتی ذرائع کے مطابق گزشتہ ملاقاتوں میں دو طرفہ تعلقات، علاقائی سیکیورٹی اور مشرق وسطیٰ کی موجودہ صورتحال پر تفصیلی گفتگو ہوئی تھی۔
ذرائع کا کہنا ہے کہ محسن نقوی اپنے پچھلے دورے کے بعد ایران سے براہ راست بلوچستان پہنچے تھے، جہاں اعلیٰ سطحی قیادت کی موجودگی میں اہم ملاقاتیں بھی ہوئیں۔
تجزیہ کاروں کے مطابق مسلسل اعلیٰ سطحی دورے خطے میں جاری سفارتی سرگرمیوں اور پاکستان کے بڑھتے ہوئے ثالثی کردار کی عکاسی کرتے ہیں۔