کراچی( مانیٹرنگ ڈیسک) اسپیکر سندھ اسمبلی سراج دررانی نے کہا ہے کہ وہ سندھ اسمبلی میں کوئی فارورڈبلاک نہیں بنارہے ہیں۔ سیاسی مخالفین ہر دور میں پیپلز پارٹی کو توڑنے کی ناکام کوشش کرتے رہے ہیں لیکن وہ ہمیشہ ناکام رہے۔ بدھ کو سندھ اسمبلی کے اجلاس کے بعد میڈیا سے گفتگو کرتے ہوئے انہوں نے کہا کہ پیپلز پارٹی کیخلاف کوئی بھی سازش کامیاب نہیں ہوگی۔ آغا سراج درانی نے کہا کہ پیپلز پارٹی کا کارکن ہوں۔ گروپ بندی کا تصور بھی ممکن نہیں‘ پارٹی قیادت پر مکمل اعتماد ہے۔ انہوں نے کہا کہ مخالفین مجھ سے متعلق بے بنیاد اور من گھڑت خبریں پھیلار ہے ہیں۔
