ترجمان پاک فوج نے کہا ہے کہ پاکستان نے 27 فروری کو بھارت پر سرجیکل اسٹرائیک کی تھی، اور اب 27 ستمبر کو ایک مرتبہ پھر پاکستان نے بھارت پر سرجیکل اسٹرائیک کر کے اسے سرپرائز دے دیا۔ اس سے قبل وزیراعظم عمران خان نے اقوام متحدہ کے 74ویں جنرل اسمبلی اجلاس سے تاریخی خطاب کیا۔
27 Feb….27 Sep
— Asif Ghafoor (@peaceforchange) September 27, 2019
ڈی جی آئی ایس پی آر میجر جنرل آصف غفور نے وزیر اعظم عمران خان کی اقوام متحدہ کی جنرل اسمبلی سے تقریر کے اختتام پر ایک ٹویٹ میں آج کے دن کو تاریخی قرار دے دیا۔ جنرل آصف غفور نے لکھا ” 27 فروری۔۔۔۔ 27 ستمبر“۔
خیال رہے کہ پاکستان کیلئے 27 فروری کا دن اس حوالے سے تاریخی ہے کیونکہ اس روز پاکستان نے اپنے سے 7 گنا بڑے دشمن کو ناکوں چنے چبواتے ہوئے اسے اس کی اوقات یاد دلائی تھی۔ اسی طرح 27 ستمبر اس لیے پاکستان کی تاریخ میں یاد رکھا جائے گا کیونکہ آج کے دن عمران خان نے زبردست اندز میں مسلمانوں اور کشمیریوں کا مقدمہ اقوام عالم کے سامنے پیش کیا ہے۔
