بھارتی میڈیا کی رپورٹ میں دعویٰ کیا گیا کہ جموں اور لداخ کے علاقوں میں تو پہلے سے ہی کوئی پابندی نہیں تھی ۔ پابندیاں صرف کشمیر کے پُر تشدد علاقوں میں عائد کی گئیں جنہیں اب ہٹا دیا گیا ہے۔ اس کے علاوہ بھارتی حکومت نے مقامی اسٹیبلشمنٹ کو وادی میں تمام اسکول کھولنے اور وادی کو آہستہ آہستہ مین اسٹریم میں لانے کی ہدایت کی ہے۔
Dilbag Singh, DGP Jammu and Kashmir: Day time restrictions have been relaxed from all 105 police station jurisdictions in Kashmir. It has been done after improvement in situation. (File pic) pic.twitter.com/QwjHbxC8gL
— ANI (@ANI) September 28, 2019
یاد رہے کہ غیر ملکی خبر ایجنسی کی رپورٹ کے مطابق اقوام متحدہ کی جنرل اسمبلی میں وزیراعظم عمران خان کی تقریر کے بعد ممکنہ احتجاج کے پیش نظر مقبوضہ کشمیر میں بھارتی پولیس نے مزید پابندیاں عائد کر دی ہیں جس کے تحت کشمیریوں کی نقل و حرکت محدود کر دی گئی ہے۔ لیکن بھارتی میڈیا نے اس حوالے سے بالکل برعکس دعویٰ کیا ہے جس کی تاحال کسی اور ذرائع سے تصدیق نہیں ہو سکی۔
خیال رہے کہ وزیراعظم عمران خان نے اقوام متحدہ کی جنرل اسمبلی کے 74 ویں اجلاس سے خطاب کرتے ہوئے مقبوضہ کشمیر میں ڈھائے جانے والے بھارتی مظالم پر بات کی تھی جسے خوب سراہا گیا تھا۔ وزیراعظم عمران خان نے 45 منٹ تک جنرل اسمبلی کے اجلاس سے خطاب کیا جس میں انہوں نے اسلام فوبیا پر بھی بات کی۔ عمران خان کی تقریر کے بعد مقبوضہ کشمیر میں کشمیری سڑکوں پر نکل آئے اور وزیراعظم عمران خان کے حق میں نعرے بھی لگائے۔
