احتساب عدالت میں مسلم لیگ ن کے رہنما خواجہ سعد رفیق اور خواجہ سلمان رفیق کے خلاف پیراگون ہاؤسنگ اسیکنڈل کیس کی سماعت آج ہوگی۔ خواجہ برادران کو 5 روزہ جوڈیشل ریمانڈ ختم ہونے پر پیش کیا جائے گا۔
احتساب عدالت کے جج جواد الحسن کیس کی سماعت کریں گے، عدالت میں خواجہ برادران کی بریت کی درخواست پر سماعت بھی ہو گی۔
عدالت نے پراسکیوشن کو کمپنیز ایکٹ، ایس ای سی پی اور نیب آرڈیننس کا تقابلی جائزہ پیش کرنے کا حکم دے رکھا ہے۔
نیب کے سینئر سپیشل پراسیکیوٹر حافظ اسد اللہ اعوان، عاصم ممتاز اور علی ٹیپو عدالت کے روبرو پیش ہوں گے۔
خواجہ سعد رفیق کی جانب سے اشتر اوصاف علی ایڈووکیٹ اور خواجہ سلمان رفیق کی جانب سے امجد پرویز ایڈووکیٹ عدالت میں پیش ہوں گے۔
