تجزیہ کار مظہرعباس نے کہاہے کہ نواز شریف نے شہباز شریف کو مشورہ دیاہے کہ عثمان بزدار کےخلاف کوئی بات نہ کی جائے بلکہ کام کرنے دیاجائے ، عثمان بزدار ہی ہم کو واپس لائے گا ۔
مظہر عباس نے کہا ہے کہ بلاول بھٹو پنجاب کا کورہنے دیں بلکہ سندھ کوٹھیک کریں پنجاب میں پیپلز پارٹی کا جو حال ہے ، وہ بلاول بھٹو کو پتہ ہی ہے۔انہوں نے کہا کہ نواز شریف نے شہباز شریف کو مشورہ دیاہے کہ عثمان بزدار کےخلاف کوئی بات نہ کی جائے بلکہ کام کرنے دیاجائے ، عثمان بزدار ہی ہم کو واپس لائے گا ۔
مظہر عباس کا کہنا تھا کہ عثمان بزدار پران کے ساتھی بھی تنقید کرتے ہیں ، عثمان بزدار کے حوالے سے تصور بھی یہی ہے کہ وہ کام نہیں کرتے اورحقیقت بھی یہی ہے ۔ انہوں نے کہا کہ عمران خا ن نے عثمان بزدار کواپنی زد بنا لیاہے ، عمران خان جب صحافیوں سے ملاقات کرتے ہیں توکہتے ہیں کہ آپ کو پتہ چل جائیگا اور ہم انتظار کررہے ہیں ۔انہوں نے کہا کہ عمران خان وزیر اعلیٰ پنجاب کو تبدیل نہیں کریں گے ۔
