کراچی (اسٹاف رپورٹر) میچ کے دوران فلڈ لائٹس خرابی کے باعث بند ہوگئیں جس کے باعث 25 منٹ تک میچ متاثر رہا۔ اطلاعات کے مطابق فلڈ لائٹس کا ایک ٹاور خراب ہوا جس کے باعث گرائونڈ میں روشنی کم ہوگئی اور میچ روکنا پڑا۔ کرکٹ ماہرین نے اس فنی خرابی کے باعث فلڈ لائٹس بند ہونے پر پی سی بی کو شدید تنقید کا نشانہ بناتے ہوئے کہا کہ انٹرنیشنل میچ میں لائٹس خراب ہونا دنیا بھر میں ہماری جگ ہنسائی کا سبب بنا ہے۔ پی سی بی کو میچ سے قبل تمام چیزوں کا معائنہ کرنا چاہیے تھا۔
