زائرین کی بس ریاض سے مدینہ جاتے ہوئے نواحی گائوں الاخل کے قریب دوسری بڑی گاڑی سے ٹکرا گئی
شہداء اور زخمی اسپتال منتقل، بس میں آگ بھڑک اٹھی، سعودی حکام نے واقعے کی تحقیقات شروع کردی
ریاض (اے ایف پی) سعودی عرب میں مدینہ منورہ کے قریب عمرہ زائرین کی بس خوفناک حادثہ کا شکار، کئی پاکستانیوں سمیت 35 افراد شہید، 4 شدید زخمی ہوگئے، شہدا اور زخمیوں کو اسپتال منتقل کر دیا گیا۔ سعودی سرکاری نیوز ایجنسی ایس پی اے کے مطابق حادثہ بدھ کی شام مقامی وقت کے مطابق 7 بجے کے قریب پیش آیا۔ جب زائرین کی بس ریاض سے مدینہ جاتے ہوئے نواحی گائوں الاخل کے قریب دوسری بڑی گاڑی سے ٹکرا گئی جس کے بعد بس میں آگ بھڑک اٹھی۔ سعودی حکام نے واقعہ کی تحقیقات شروع کر دی ہیں۔
