کراچی: بین الاقوامی سطح پرفی اونس سونے کی قیمت 6 ڈالرکےاضافے کے باعث مقامی صرافہ مارکیٹوں میں فی تولہ اورفی دس گرام سونے کی قیمتوں میں بالترتیب 200 روپے اور 171 روپے کا اضافہ ہوگیا۔
بدھ کے روز کراچی، حیدرآباد، سکھر،ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر87100 روپے اور فی دس گرام سونے کی قیمت بڑھ کر 74674 روپے ہوگئی۔
اس کے برعکس فی تولہ چاندی کی قیمت بغیرکسی تبدیلی کے1000 روپے اور فی دس گرام چاندی کی قیمت 857 روپے 34 پیسےپر مستحکم رہی ہے۔
