مقبوضہ بیت المقدس (انٹرنیشنل ڈیسک) قابض اسرائیلی فوج اور پولیس کے پہرے میں یہودی شرپسندوں کی مسجد اقصیٰ کی بے حرمتی کا سلسلہ جاری ہے۔ مرکز اطلاعات فلسطین کے مطابق گزشتہ ہفتے 405 یہودی آباد کاروں نے مسجد اقصیٰ میں دھاوا بولا اور مقدس مقام کی بے حرمتی کی۔ یہودی آباد کار الگ گروپوں کی شکل میں قبلہ اول میں داخل ہوئے ۔یہودی آباد کاروں کے ساتھ مسجد اقصیٰ پر دھاوے بولنے والوں میں اسرائیلی اسپیشل فورسز کے اہلکار بھی شامل تھے۔
