بھارتی ریاست بہار میں ایک اور مسلمان کو بھتہ نہ دینے پر بیچ چوراہے پر ہجومی قاتلوں نے بدترین تشدد کا نشانہ بناتے ہوئے ابدی نیند سلا دیا۔
ریاست بہار کے ضلع کٹیہار میں یہ دل دہلا دینے والا واقعہ پیش آیا۔ جہاں مویشیوں کے تاجر محمد جمال کو انتہا پسند اور متعصب بھتہ خور ہندوں نے بھرے بازار میں گھیر لیا۔
بھتے کا تقاضہ پورا نہ کرنے پر محمد جمال کو پہلے ڈنڈوں اور لاٹھیوں سے مارا پیٹا گیا اور پھر اس قدر بدترین تشدد کا نشانہ بنایا گیا کہ وہ جاں کی بازی ہی ہار گیا۔ واقعے کے خلاف جمال کے اہل خانہ نے احتجاج کیا ۔
