قاہرہ (انٹرنیشنل ڈیسک) مصر کے صوبے بحیرہ میں تیل کی پائپ لائن میں آتشزدگی سے 10 افراد جاں بحق اور 15 زخمی ہوگئے۔ غیر ملکی خبر رساں ادارے کے مطابق مصر کے صوبے بحیرہ میں تیل کی پائپ لائن زوردار دھماکے سے پھٹ گئی، جس کے نتیجے میں قریب سے گزرنے والی گاڑیاں بھی آگ کی لپیٹ میں آئیں۔ مصری حکام کا کہنا ہے کہ پائپ لائن میں رساؤ تیل چوری کرنے کی وجہ سے ہوا اور اسی وجہ سے آگ بھی لگی، تاہم واقعے کی مزید تحقیقات جاری ہیں۔
