کیلی فورنیا(مانیٹرنگ ڈیسک)امریکی ریاست کیلی فورنیا میں ایک گھر میں پارٹی کے دوران فائرنگ سے 4 افراد ہلاک اور متعدد زخمی جبکہ ریاست اوکلوہاما میں ایک اسٹور پر فائرنگ کے نتیجے میں تین افراد ہلاک ہو گئے۔پولیس کے مطابق فائرنگ کا واقعہ کیلی فورنیا کے شہر فریسنو میں پیش آیا جہاں گھر میں ایک تقریب جاری تھی۔حکام کے مطابق نامعلوم افراد گھر میں داخل ہوئے اور پارٹی میں شریک افراد پر فائرنگ کر دی، فائرنگ کرنے والے مشتبہ افراد کی کوئی شناخت یا تفصیل سامنے نہیں آ سکی اور نہ ہی کسی مشتبہ شخص کو حراست میں لیا گیا ہے۔ادھرامریکی ریاست اوکلوہاما کے شہر ڈنکن میں ایک اسٹور پر فائرنگ کے نتیجے میں تین افراد ہلاک ہو گئے۔ پولیس کے مطابق شبہ ہے کہ ہلاک افراد میں حملہ آوربھی شامل ہے ، واقعہ کے بعد اسٹور کے قریب واقع دو سکول بند کر دیئے گئے۔
