اسلام آباد (مانیٹرنگ ڈیسک) پیپلز پارٹی کے رہنما قمرالزماں کائرہ نے کہا ہے کہ حکومت نے آرمی چیف کو کچی پرچی پر توسیع دی، حکومت کو غور کرنا چاہیے۔ اس حوالے سے پہلے خط پر غور کرنا چاہیے، میں خود ایسے خط اپنے حلقے کے لوگوں کو لکھ کر دیتا رہتا ہوں۔ انہوں نے کہاکہ پیپلز پارٹی کے دور میں آرمی چیف اور آئی ایس آئی چیف کی مدت ملازمت میں توسیع ہوئی لیکن ہمارے دور میں باقاعدہ آئینی طریقہ کار اپنایا گیا۔ انہوں نے کہاکہ اس کا ازالہ ایسے ہوگا کہ آئندہ کے لیے کیا طریقہ کار طے ہونا چاہیے، ہو سکتا ہے کہ عدالت آئندہ کے لیے بھی کوئی طریقہ کار طے کردے۔
