بجلی مہنگی کرنے سے صارفین پر سالانہ 14ارب 78کروڑ روپے کا اضافی بوجھ پڑے گا
اسلام آباد(مانیٹرنگ ڈیسک)نیپرا نے بجلی 14 پیسے فی یونٹ مزید مہنگی کر دی ہے۔ تفصیلات کے مطابق حکومت نے عوام پر 14ارب 78کروڑ روپے کا اضافی بوجھ ڈالنے کا فیصلہ کرلیا ہے۔نیپرا نے گزشتہ ہفتے کی گئی سماعت کا تحریری فیصلہ جاری کردیا ہے جس کے مطابق بجلی 14 پیسے فی یونٹ مہنگی ہوگئی ہے۔ بجلی مہنگی کرنیکی منظوری رواں مالی سال کی پہلی سہ ماہی کی ایڈجسٹمنٹ کی مد میں دی گئی ہء جس کے بعد صارفین پر سالانہ 14ارب 78کروڑ روپے کا اضافی بوجھ پڑے گا۔ یاد رہے کہ 21 نومبر کو بھی نیپرا نے بجلی ایک روپے 82 پیسے فی یونٹ مہنگی کی تھی اور یہ اضافہ ستمبر کی فیول پرائس ایڈجسٹمنٹ کی مد میں کیا گیا تھا۔
