لاہور: پنجاب پولیس نے صوبائی حکومت کے ترجمان فیاض الحسن چوہان پر تشدد کرنے والے ایک اور وکیل کا سراغ لگالیاہے۔
پولیس کے مطابق پنجاب انسٹی ٹیوٹ آف کارڈیالوجی پر وکلاءکے حملےکے دوران فیاض الحسن چوہان پر تشدد کرنے والے وکیل کی شناخت زین عباس کے نام سے ہوگئی ہے۔
پولیس کا کہنا ہے کہ زین عباس نے پی آئی سی حملے کے دوران فیاض الحسن چوہان کو سر پر تھپڑ مارا تھا۔
پنجاب پولیس نے اپنے بیان میں کہا ہے کہ زین عباس شاہدرہ کا رہائشی ہے اور تاحال مفرور ہے۔
واضح رہے کہ اس قبل فیاض الحسن چوہان پر تشدد کرنے والے وکیل کی شناخت عبدالماجد کے نام سے ہوئی تھی۔
