امریکا نے پاکستانی فوج کے لیےتعلیمی و تربیتی پروگرام پر پابندی اٹھا لی۔
اطلاعات کے مطابق امریکی صدر ڈونلڈ ٹرمپ نے انٹرنیشنل ملٹری ایجوکیشن اینڈ ٹریننگ پروگرام میں پاکستانی فوجی افسران بحال کرنے کی منظوری دے دی ہے۔
ا س حوالے سے امریکی محکمہ خارجہ کی ترجمان نے ایک ای میل میں بتایا کہ تعلیمی و تربیتی پروگرام بحال کرنے کا مقصد دونوں ممالک کےدرمیان دو طرفہ تعاون کے فروغ اورمشترکہ ترجیحات کو ایک موقع دینا ہے۔
امریکی فوجی تربیتی پروگرام میں پاکستان کی شمولیت کی بحالی کا فیصلہ ایسے موقع پر سامنے آیا ہے کہ جب رواں برس امریکا کے صدر ڈونلڈ ٹرمپ اور پاکستان کے وزیرِ اعظم عمران خان کے درمیان دو ملاقاتیں ہو ئی ہیں۔
