نئی دہلی (مانیٹرنگ ڈیسک) بھارتی وزیراعظم نریندر مودی کی نئی دہلی میں واقع رہائش گاہ پر آتشزدگی کا واقعہ پیش آیا تاہم اس میں کسی نقصان کی تصدیق نہیں کی گئی، آگ شارٹ سرکٹ کے باعث لگی جس پر 17 فائر انجن طلب کر لیے گئے۔ آگ سیکورٹی کے استقبالیہ میں شارٹ سرکٹ کے باعث لگی، قابو پالیا گیا۔ بھارتی میڈیا ذرائع کے مطابق سیون لاک کلیان مارک دہلی میں واقع وزیراعظم کی رہائش گاہ پر آگ لگنے کا یہ واقعہ بھارتی وقت کے مطابق شام سات بجکر 25 منٹ پر پیش آیا۔ پی ایم آفس نے ایک ٹویٹ میں بتایا کہ آگ وزیراعظم کی رہائش یا دفتر کے ایریا میں نہیں لگی بلکہ ایک سیکورٹی کے استقبالیہ کی طرف لگی جس پر فوری قابو پا لیا گیا ہے۔
