کراچی (کامرس ڈیسک) ترجمان اسٹیٹ بینک کا کہنا ہے کہ 1000، 500 اور پانچ ہزار روپے کے کرنسی نوٹوں پر جعلی سیریل نمبر کی اطلاعات میں کوئی صداقت نہیں۔ اسٹیٹ بینک کی جانب سے جاری بیان میں کرنسی نوٹوں پر جعلی سیریل نمبر کی تردید کی گئی ہے اور کہا گیا ہے کہ 500، 1000 اور پانچ ہزار روپے مالیت کے کرنسی نوٹوں پر جعلی سیریل نمبرز کی اطلاعات میں کوئی صداقت نہیں۔ ترجمان اسٹیٹ بینک کا کہنا ہے کہ عوام سوشل میڈیا سے پھیلائی جانے والی افواہوں پر کان نہ دھریں، اسٹیٹ بینک نے اس قسم کی کوئی وارننگ جاری نہیں کی۔
