اسلام آباد( مانیٹرنگ ڈیسک) امریکہ نے ایران سے کشیدگی کے بعد پاکستان سمیت دنیا بھر میں اپنے شہریوں کیلئے سیکورٹی الرٹ جاری کردیا۔ اسلام آباد میں قائم امریکی سفارتخانے کی جانب سے جاری کردہ ایڈوائزری میں کہا گیا ہے کہ مشرق وسطیٰ میں امریکہ اور ایران کے درمیان بڑھتی ہوئی کشیدگی کے بعد ممکنہ رد عمل کے بعد سیکورٹی الرٹ جاری کیا گیا ہے‘ پاکستان میں رہنے والے امریکی شہری ملک میں رہتے ہوئے اپنی حرکات کو محدود رکھیں اور غیر ضوری عوامی مقامات پر جانے سے گریز کریں۔
