نئی دہلی (نیٹ نیوز) بھارتی حکومت نے بالی ووڈ کے ممتاز فلمی ستاروں اور اس صنعت سے وابستہ دیگر کئی اہم شخصیات کو ایک نجی تقریب میں مدعو کیا، اس کا مقصد متنازع شہریت ترمیمی بل پر ان کی حمایت حاصل کرنا تھا۔ خبر رساں ادارے نے بتایا کہ مودی کی حکمراں جماعت بی جے پی کی طرف سے ممبئی کے ایک لگژری ہوٹل میں ایک خصوصی تقریب کا اہتمام کیا گیا جس میں متنازع قانون کے بارے میں فلمی ستاروں کو بریفنگ دی گئی اور ان سے کہا گیا کہ وہ مودی حکومت کے حق میں رائے عامہ ہموار کرنے کے لیے کام کریں اور لوگوں کو قانون کی حمایت کرنے پر راضی کریں، تاہم تقریب کے دوران کسی بھی اداکار یا فلمساز نے کوئی واضح جواب نہیں دیا۔
