اسلام آباد: وزیراعظم عمران خان کا کہنا ہے کہ ہمیں ہندوستان کی جانب سے ایک خودساختہ اور جعلی حملے کا سخت اندیشہ ہے۔
سماجی رابطے کی ویب سائٹ ٹوئٹر پر وزیراعظم عمران خان نے اپنے ایک پیغام میں بھارتی فوج کے مظالم پر شدید تشویش کا اظہار کرتے ہوئے کہا ہے کہ ایل او سی کے اس پار نہتے مقبوضہ کشمیر کے شہریوں پر بھارتی افواج کے شدت پکڑتے اور معمول بنتے حملوں کے پیش نظر لازم ہے کہ سلامتی کونسل عسکری مبصر مشن (UNMOGIP) کی مقبوضہ کشمیر میں فی الفور واپسی کیلئے بھارت سے مطالبہ کرے،ہمیں ہندوستان کی جانب سے ایک خودساختہ اور جعلی حملے کا سخت اندیشہ ہے۔
میں ہندوستان کیساتھ عالمی برادری پر بھی واضح کردینا چاہتا ہوں کہ اگر بھارت جنگ بندی لکیر کے اس پار عسکری حملوں میں نہتے شہریوں کے بہیمانہ قتل عام کا سلسلہ دراز کرتا ہے تو پاکستان کیلئے سرحد پر خاموش تماشائی بنے بیٹھے رہنا مشکل ہو جائے گا۔
— Imran Khan (@ImranKhanPTI) January 19, 2020
وزیر اعظم عمران خان نے کہا کہ میں ہندوستان سمیت تمام عالمی برادری پر بھی واضح کردینا چاہتا ہوں کہ اگر بھارت جنگ بندی کی لکیر کے اس پار عسکری حملوں میں نہتے شہریوں کے بہیمانہ قتل عام کا سلسلہ دراز کرتا ہے تو پاکستان کیلئے سرحد پر خاموش تماشائی بنے بیٹھے رہنا مشکل ہو جائے گا۔
