قومی کرکٹ ٹیم کے کپتان بابر اعظم نے کہا ہے کہ پہلی مرتبہ ملک میں کپتانی کر رہا ہوں، فوکس یہی ہے کہ نمبر ون پوزیشن کو برقرار رکھیں۔
لاہور میں ٹی ٹوئنٹی سیریز سے قبل پریس کانفرنس کرتے ہوئے بابر اعظم نے کہا کہ بنگلا دیش ٹیم کو ویلکم کرتے ہیں ، بنگلا دیش ٹیم اچھی ہےاس میں سینیر اور جونیئرکھلاڑی شامل ہیں۔
انہوں نے کہا کہ اپنی قوت کےمطابق کھیلیں گےیہ پریشر نہیں ہے کہ سری لنکا کےخلاف اچھا نہیں کھیلے اور ہارے، فوکس یہی ہے کہ نمبر ون پوزیشن کو برقرار رکھیں۔
سینیئر کھلاڑیوں کی ٹیم میں واپسی پر ان کا کہنا تھا کہ مجھے لگا تھا محمد حفیظ اور شعیب ملک نمبر ون ٹیم کا حصہ رہے ہیں اس لئےانہیں ہونا چاہیے۔
