سگریٹ سعودی عرب لانے پر پابندی

جدہ (عبدالستار خان) سعودی عرب میں مختلف ٹیکسوں کی وجہ سے سگریٹ کی قیمتوں میں اضافہ ہو گیا ہے۔ ہندوستان اور پاکستان سے چھٹیوں کے بعد سعودی عرب واپس آنے والے سگریٹ کے درجنوں بنڈل لے آتے تھے۔ لیکن اب ان کے اس اقدام پر پابندی لگا دی گئی ہے۔ اب ایک مساف اپنے ساتھ صرف دو سو سگریٹ لا سکتا ہے۔ اگر کوئی اس سے زیادہ سگریٹ لائے گا تو وہ ضبط کر لی جائے گی۔ جبکہ اس سے زیادہ خطرناک بات یہ ہے کہ اگر بہت بڑی تعداد میں سگریٹیں کوئی سعودی عرب لایا تو اسے اسمگلنگ کے کیس میں پکڑا جاسکتا ہے۔ اس حوالے سے پاکستانی سفارتخانے نے پاکستانیوں کو ہدایت کی ہے کہ وہ احتیاط سے کام لیں اور سعودی قوانین کی پابندی کریں۔