آسٹریلین اوپن ٹینس میں بڑا اپ سیٹ، عالمی نمبر ایک رافیل نڈال شکست کے بعد ٹائٹل کی دوڑ سے باہر

سڈنی (اے پی پی)سال کے پہلے گرینڈ سلام ٹینس ٹورنامنٹ آسٹریلین اوپن میں بڑا اپ سیٹ ہو گیا، شہرہ آفاق ہسپانوی ا سٹار اور عالمی نمبر ایک رافیل نڈال کوارٹر فائنل میں ڈومنک تھیم کے ہاتھوں اعصاب شکن مقابلے میں شکست کے بعد ٹائٹل کی دوڑ سے باہر ہو گئے۔ بدھ کو آسٹریلیا میں میگا ایونٹ میں کھیلے گئے کوارٹر فائنل میں ڈومنک تھیم نے انتہائی شاندار کارکردگی کا مظاہرہ کرتے ہوئے نڈال کو کانٹے دار مقابلے کے بعد 7-6، 7-6، 6-4، اور 7-6 سے اپ سیٹ شکست دے کر سیمی فائنل میں پہنچنے کا اعزاز حاصل کیا۔ اس شکست کے ساتھ ہی نڈال کا راجر فیڈرر کا 20 گرینڈ سلام ٹائٹلز جیتنے کا عالمی ریکارڈ برابر کرنے کا خواب بھی ادھورا رہ گیا۔