اسلام آباد (مانیٹرنگ ڈیسک ) سابق وزیراعلیٰ پنجاب شہبا زشریف کو برطانوی صحافی کے خلاف کیس کرنے پر تحریک انصاف نے مجبور کیا۔ تفصیلات کے مطابق رہنما پیپلزپارٹی قمر زمان کائرہ نے نجی ٹی وی چینل سے گفتگو کرتے ہوئے کہا ہے کہ شہبا زشریف کو تحریک انصاف نے کیس کرنے پر مجبور کیا ہے، شہبا زشریف نہیں چاہتے تھے کہ اس معاملے کو عدالت لے کر جائیں۔جس پر تحریک انصاف نے انہیں تنقید کا نشانہ بناتے ہوئے مجبور کیا کہ وہ برطانوی صحافی پر کیس کریں۔ قمر زمان کائرہ کا کہنا ہے کہ اگر شہبا زشریف نے غلطی کے بعد بھی ہرجانے کا دعویٰ کیا ہے تو ان کیلئے مشکلات پیدا ہو سکتی ہیں شہبا زشریف نے لیگل ٹیم سے مشورے کے بعد کیس کیا ہے اس کا مطلب یہ ہے کہ انہیں اس کیس سے کوئی خطرہ نہیں۔
