کراچی (اسٹاف رپورٹر) سٹی کورٹ میں کراچی بار کی جانب سے کشمیری عوام سے یکجہتی کے لیے سٹی کورٹ میں یوم کشمیر کی تقریب منعقد کی گئی۔ تقریب میں وکلا کی جانب سے قرارداد منظور کی گئی جس میں کہا گیا ہے کہ بھارت کشمیر سے اپنی فوجیں واپس بلائے، کشمیریوں کی بنیادی انسانی حقوق کی خلاف ورزی اور کرفیوختم کیا جائے، اقوام متحدہ کی منظور کردہ قرارداد کے تحت کشمیریوں کو اپنا مستقبل چننے کا حق دیا جائے۔
