اسلام آباد( مانیٹرنگ ڈیسک) وزیراعظم عمران خان کے آزاد جموں و کشمیر کے کامیاب دورے کے دوران کشمیر ریلی سے خطاب کے بعد ان کے انسٹا گرام اکائونٹ پر کشمیر ہی کے چرچے ہیں۔ وزیراعظم عمران خان کے انسٹا گرام اکائونٹ نے آزاد جموں و کشمیر ریلی کی ایک پورے صفحے کی تصویر شائع کی ہے جو بتاتی ہے کہ کشمیر میں انصاف کیوں ناپید ہے؟ فل اسکرین امیج میں آزاد و جموں کشمیر میں کی گئی وزیراعظم کی تقریر کا ایک حوالہ بھی دیا گیا جس کے مطابق انہوں نے کہا کہ میرے کشمیری عوام میں نے دنیا میں آپ کا سفیر بننے کا وعدہ کیا ۔ میں یہاں پاکستان کے وزیراعظم کی حیثیت سے نہیں بلکہ کشمیر کے سفیر کی حیثیت سے کھڑا ہوں۔
