اسلام آباد (مانیٹرنگ ڈیسک) وزیراعظم کے خصوصی معاون برائے صحت ظفر مرزا نے کہا ہے کہ چین میں پاکستانی طلبہ محفوظ ہیں، ملک میں کورونا وائرس کا کوئی مریض نہیں، ایئرپورٹس پر اسکریننگ کے لیے اقدامات کیے ہیں۔ انہوں نے ڈاکٹر غوث محمد خان نیازی کی سربراہی میں سینیٹ کی قائمہ کمیٹی کے اجلاس میں بتایا کہ یہ نیا وائرس ہے جو 7 جنوری کو دریافت ہوا اور چین سمیت 28 ممالک میں اس کے متاثرین سامنے آئے، پاکستانی حکومت نے عالمی ادارہ صحت کے مطابق اقدامات کیے، 18 اسپتالوں کو ٹاسک دیا۔
