نیویارک(نیٹ نیوز) واٹس ایپ نے مسچنگ کی دنیا میں ایک نیا سنگ میل حاصل کرتے ہوئے دنیا کے سب سے مقبول ترین میسجز کا اعزاز اپنے نام کرلیا اور یوٹیوب کے برابر پہنچ گئی ہے۔ درحقیقت فیس بک کی زیر ملکیت واٹس ایپ نے 2ارب صارفین کا سنگ میل حاصل کرلیا ہے۔ اس سے قبل فیس بک نے 2017میں جبکہ یوٹیوب نے مئی 2019میں صارفین کی اتنی تعداد کا سنگ میل طے کیا تھا۔ مگر واٹس ایپ نے یہ سنگ میل سب سے کم وقت میں طے کیا ہے اور فیس بک اور یوٹیوب کو بھی پیچھے چھوڑ دیا ہے۔ واٹس ایپ کو سب سے پہلے2009میں متعارف کرایا گیا تھا۔
