کراچی (نمائندہ جسارت) سعودی عرب سے آنے والے تین مسافروں کو کرونا کے شبہ میں محکمہ صحت کے اہلکاروں نے کراچی کے جناح انٹرنیشنل ائرپورٹ سے اپنی تحویل میںلے لیا ہے ۔ ان میں سے دو مسافروں کا تعلق اندرون سندھ سے جبکہ ایک کا تعلق کشمیر سے ہے ۔ تینوں مسافر سعودیہ ائرلائنز کی پرواز نمبر 704 سے منگل کی شام کراچی پہنچے تھے ۔ جناح انٹرنیشنل ائرپورٹ پر مسافروں کی جانچ کے دوران مذکورہ تینوں مسافروں میں بخار کو نوٹ کیا
گیا جس کے بعد کرونا کے ٹیسٹ کے لیے محکمہ صحت کے حکام نے ان تینوں مسافروں کو اپنی تحویل میں لے کر اسپتال منتقل کردیا ۔ کشمیر سے تعلق رکھنے والے مسافر کو سعودی حکومت نے ڈی پورٹ کیا ہے ۔
