ڈی جی نسیم الغنی سہتو نے دونوں سیل متعلقہ ٹائون میں ضم کرنے کا حکم دیدیا
کراچی (اسٹاف رپورٹر) سندھ بلڈنگ کنٹرول اتھارٹی کے ڈائریکٹر جنرل نسیم الغنی سہتو نے ادارے کے کچی آبادی اور صنعتی سیل کو ختم کر دیا ہے، دونوں سیل متعلقہ ٹائون میں ضم کر دیے گئے ہیں ملازمین کو ایڈمن میں رپورٹ کرنے کی ہدایت کی گئی ہے، حکم نامے کے مطابق ایس بی سی اے کے ماتحت چلنے والے کچی آبادی اور صنعتی سیل کو فوری طور پر ختم کر دیا گیا ہے، اب متعلقہ ٹائونز ان معاملات کو دیکھیں گے، دونوں سیلز میں کام کرنے والے افسران اور ملازمین کو ایڈمن میں رپورٹ کرنے کی ہدایت کی ہے۔
