مائیکروسوفٹ کے بانی بل گیٹس نے خیراتی کاموں پر توجہ دینے کے لیے کمپنی کے بورڈ سے علیحدگی کا اعلان کردیا۔
بین الاقوامی میڈیا رپورٹس کے مطابق بل گیٹس مائیکروسوفٹ کے بورڈ سے الگ ہوگئے ہیں، انہوں نے یہ فیصلہ کورونا وائرس کے دنیا بھر میں تیزی سے پھیلنے کےبعد فلاح و بہبود کی سرگرمیوں میں زیادہ حصہ لینے کے لیے کیا ہے۔
بل گیٹس نےپال ایلن کےساتھ مل کرمائیکروسوفٹ کمپنی1975میں قائم کی تھی تاہم اب وہ مائیکروسوفٹ بورڈرکن کی حیثیت سےسبکدوش ہوگئے ہیں۔
بل گیٹس کا کہنا ہے کہ مائیکروسوفٹ ہمیشہ زندگی کے معاملات میں اہم حصہ رہے گی اور وہ قیادت کے ساتھ مسلسل رابطے میں رہیں گے۔
ان کا کہنا ہے کہ وہ عالمی صحت، ترقی، تعلیم اور ماحولیات پر توجہ دیں گے، خیراتی اور فلاح و بہبود کی سرگرمیوں کو ترجیح دیں گے۔
