ٹوکیو: جاپان میں گھروں پر رہنے والے ہر شہری کو ایک لاکھ ین یعنی 930 امریکی ڈالر نقد دیے جائیں گے۔
غیر ملکی خبر رساں ادارے کے مطابق جاپان کے وزیراعظم شنزو ابے کی جانب سے پریس کانفرنس کے دوران اعلان کیا گیا جس میں انہوں نے کہا کہ کورونا وائرس سے نمٹنے کے لیے ہنگامی حالت کے دوران گھر سے باہر نہ نکلنے والے ہر شہری کو ایک لاکھ ین یعنی 930 امریکی ڈالر نقد دیے جائیں گے۔
وزیراعظم کا کہنا تھا کہ مہلک وبا سے محفوظ رہنے کے لیے احتیاطی تدابیر کے تحت سماجی فاصلہ اختیار نہ کرنے کے باعث کورونا کیسز میں مسلسل اضافہ ہو رہا ہے تاہم ٹوکیو سمیت جاپان کے 7 مختلف حصوں میں ایمرجنسی نافذ ہے۔
